Rusia: Objektivat kryesore të operacionit special ushtarak në Ukrainë janë përmbushur. Tani të çlirojmë Donbasin

Moska ka njoftuar se objektivat kryesore të asaj që e quan “operacioni special ushtarak” në Ukrainë janë përmbushur dhe se tani do të fokusohet në marrjen e kontrollit të rajonit juglindor të Donbasit.

Korrespondentja e BBC, Lyse Doucet, e cila ndodhet në Kiev duke raportuar për përgjigjen e kryeqytetit ukrainas ndaj njoftimit të Moskës, thekson se “ky nuk është një vend që do të jetë i qetë sa kohë që pushtimi vazhdon”.

Dihet gjithmonë se objektivi kryesor, siç dëgjuam nga Moska, sot, është Donbasi në Ukrainën lindore dhe korridori tokësor që lidh Donbasin me gadishullin e Krimesë, të dyja zonat ku forcat ruse hynë në vitin 2014.

Donbasi përmban dy provinca, Donetsk dhe Luhansk, që prekin kufirin rus dhe që nga viti 2014 janë kontrolluar pjesërisht nga rebelët e mbështetur nga Rusia.

Disa nga njësitë më të mira luftarake ukrainase janë atje, dhe shqetësimi ka qenë se Rusia do të përpiqej t’i ndalonte së rifurnizuari me armatime ose së lëvizuri në fronte të tjera.

Moska sot tha se ky nuk ishte objektivi i tyre kryesor, por nuk e përjashtoi atë.

Dhe kështu, ndërsa ne shohim forcat ruse që konsolidojnë pozicionet e tyre në periferi të Kievit, ukrainasit nuk ndalen nga ofensiva, duke i sprapsur rusët në lindje dhe duke i sulmuar në veri-perëndim”, tha ajo.