Rusia shpall armëpushim sot dhe hap korridoret humanitare për civilët

Ministria e Mbrojtjes e Rusisë njoftoi se do të ndalojë bombardimet e saj në Ukrainë të shtunën, për të lejuar që civilët të largohen të sigurt.

“Sot, 5 mars, nga ora 10 e mëngjesit me orën e Moskës, pala ruse shpall një regjim armëpushimi dhe hap korridoret humanitare për daljen e civilëve nga Mariupol dhe Volnovakha”, tha ministria në një deklaratë. Korridoret humanitare dhe rrugët e daljes janë rënë dakord me palën ukrainase.