Sa bashki do fitoni? Alibeaj i nuk përgjigjet gazetarëve: PD ka pasur një vit të vështirë

Pas mbledhjes me grupimin e tij, kryetari i komanduar i PD-së, Enkelejd Alibeaj në konferencën me gazetarët, tha se PD ka pasur një vit të vështirë, lidhur me pyetjen se sa bashki mendojnë se do të marrin, pra nuk foli për këtë pyetje. Ai tha se procesi i përzgjedhjes së kandidatëve për zgjedhjet e 14 majit është në vazhdim, ndërsa Kryesia merr një vendim final.

”PD-ja ka pasur një vit e gjysmë të vështirë shumë të vështirë, brenda kemi pasur goxha përplasje, deri edhe fizike skena që nuk dua t’i përmend, kemi bërë gjithë ato akte, qasje në funksion që është i interesit publik dhe zgjedhjet nuk bëhen çdo ditë.

Është një ditë jo më e vetëm e PD-së me gjithë problematikën e vet është e shqiptarëve dhe për hir të tyre për situatën kaq të keqe të shtetit të së drejtës ia vlen të hedhësh pas kurrizit, të gëlltitësh mllefin, urrejtjen që na ka bashkë shoqëruar, për të bashkuar forcat rreth një kandidati cilido qoftë ai nën këtë logo për t’i shërbyer shqiptarëve, jo për të fituar dikush”,-tha Alibeaj.