Sa vota bleu Nasip Naço? / Klosi: Mirënjohje patronazhistëve të Beratit, na siguruan fitoren e thellë

Në emisionin “Çim Peka Live”, deputeti i zgjedhur në qarkun e Beratit, Blendi Klosi i është shprehur mirënjohës patronazhistëve të Beratit, që i dhanë një fitore 5-2, për të cilën thotë se kishin punuar katër vite. I pyetur nga drejtuesi i emisonit se sa vota bleu z. Nasip Naço në këtë qark, Klosi u shpreh sërish falenderues për patronazhistët.

Klosi: Pyetja është a i morën 5 mandate Partia Socialiste, Në emisionin  paraardhës thashë që do dalim 5-2 dhe ju bëtë edhe humor dhe thatë do dalin 3-2-2. Ndërkohë që ju se besuat, ne kemi katër vjet që punojmë për 5 mandate. Ju a kam thënë që do dalim 5-2 në Berat.

Për ne detyra ishte të bashkonim të majtën në Berat dhe pritshmëritë tona ishin të merrnin 6 mandate.

Enton Abilelaj: Në mandatin tjetër mund të merrni edhe 6 mandate në Berat.

Klosi: Në këtë rast janë 5200 vota të pavlefshme që do të na jepnin një fitore shumë më të thellë dhe një diferencë që prisnim dhe që ato patronazhistët në Berat na kishin dëshmuar. Dhe unë i kam kërkuar vetëm Ramës që të jem i pesti në Berat.