Safet Bajri del para gjykatës

Mbërrin në Gjykatën e Shkodrës Safet Bajri, njëri prej të arrestuarve të grupit kriminal “Bajri”. Në këtë gjykatë ai do të njihet me dosjen dhe akuzat e shtetit belg. Më pas në orën 14:00 do të sillet në Tiranë për tu paraqitur në Gjykatën e Krimeve të Rënda. Policia belge dyshon se grupi Bajri kontrollonte veprimtarinë në fushën e trafikimit të lëndëve narkotike, gjobvënies dhe aktiviteteve të tjera kriminale në shfrytëzimin e prostitucionit. Mbi të pandehurit rëndojnë akuza të rënda penale, të kryera në kuadër të grupit te strukturuar kriminal.