Salianji letër nga qelia: Rama ka bllokuar rrugën e Shqipërisë

Ish-deputeti i PD-së, Ervin Salianji ka reaguar nga qelia për mosbindjen civile që po mban opozita, ku këtë herë në rrugë është edhe Sali Berisha. Për të kryeministri Edi Rama ka bllokuar jo vetëm rrugët e Tiranës sot, por ka bllokuar rrugën e Shqipërisë së zhvilluar dhe demokratike. ”Me sundimin e tij Edi Rama ka asgjesuar zgjedhjet e lira, institucionet e pavarura çka ka sjellë rrënim të shtetit të së drejtës të lirive dhe garancive, të gjitha të replikuara nga çizmja me humor të luhatur e një individi. Vullneti i tij ka zëvëndësuar ligjin dhe ka prodhuar padrejtësi, pabarazi dhe ka larguar mijëra qytetarë”, shkruan Salianji në Facebook.

Postimi i plotë

Reagim nga qelia nr.6/ Edi Rama ka bllokuar jo vetëm rrugët e Tiranës sot, por ka bllokuar rrugën e Shqipërisë së zhvilluar dhe demokratike.

Shkalla e kontrollit dhe diktatit që ushtron mbi çdo institucion, mbi publiken dhe privaten shkon në nivelin e autokratucëve që janë nen efektin permanent të paranojes dhe frikes për humbjen pushtetit privilegjeve dhe imunitetit para drejtësisë.

Me sundimin e tij Edi Rama ka asgjesuar zgjedhjet e lira, institucionet e pavarura çka ka sjellë rrënim të shtetit të së drejtës të lirive dhe garancive, të gjitha të replikuara nga çizmja me humor të luhatur e një individi. Vullneti i tij ka zëvëndësuar ligjin dhe ka prodhuar padrejtësi, pabarazi dhe ka larguar mijëra qytetarë.

Qeveria kujdestare është themeli për të krijuar kushtet për zgjedhje të lira, të barabarta dhe të ndershme e më pas për të ndërtuar institucionet e pavarura e për tē rikthyer normalitetin demokratik. Shqipëria nuk është pronë dhe as çiflig i bandave kriminale, as skotēs qeveritare, ato dhe padroni i tyre janë fatkeqësia e Shqipërisë!