Salianji: Zgjidhja fillimisht është largimi i Ramës, ndryshe …

Partitë e vogla kanë kërkuar që të shtyhen zgjedhjet e 30 qershorit me të paktën 6 muaj.

Një sinjal pozitiv që është dhënë sot edhe nga Presidenti Meta që duke cituar Angela Merkel tha se: “Çdo gjë, dhe nëse duket e gdhendur në gur dhe e pandryshueshme, në të vërtetë mund të ndryshojë”.

Mbi propozimin e partive aleate u pyet sot edhe ish-deputeti Ervin Salianji i cili pranoi se PD është dakord, por vetëm shtyrja e zgjedhjeve nuk mjafton për të zgjidhur krizën.

“Kjo është për t’u diskutuar si qendrim partiak, por në mendimin tim personal kjo nuk zgjidhet me shtyrje zgjedhjesh. Nuk i jep zgjidhje krizës politike, sociale në të cilën ndodhet Shqipëria. E vetmja zgjedhje është largimi i Edi Ramës. Nuk e di nëse në një moment padiskutim përplasjeje, apo situate që mund të shkojë në përplasje, Presidenti i Republikës mund të ketë tagrin për të gjetur zgjidhje për të lënë hapësira për të gjetur rrugëzgjidhje. Por padyshim që kjo krizë nuk zgjidhet pa largimin e Edi Ramës”, tha Salianji.