Seanca e parë e gjyqit, Beleri në burg për blerjen e 8 votave

Më 12 tetor 2023 do të mbahet seanca e parë e procesit gjyqësor ndaj Fredi Belerit, kryebashkiak i zgjedhur në Himarë, por jo i betuar. Ai akuzuar për korrupsion në zgjedhje.

Dosja e SPAK-ut në ngarkim të tij do të shqyrtohet nga gjyqtari i posaçëm Erjon Çela, pasi prokuroria përfundoi hetimet dhe e dërgoi çështjen për gjykim me të pandehur edhe Pandeli Kokaveshin, ish-anëtar i shtabit të Fredi Belerit.

Më 14 shtator, Gjykata e Posaçme vendosi kalimin e dosjes për gjykim ndërkohë që Beleri ka kërkuar 6 herë zëvendësimin e masës arrest me burg me një masë më të lehtë, por është refuzuar nga gjykata.

Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin. Për çështjet e tij është angazhuar edhe qeveria greke e cila e quan arrestimit e tij të paligjshëm e politik. Kjo çështje ka përfshirë Athinën zyrtare, që ka mbajtur protesta në Himarë dhe ka sjellë zyrtarët më të lartë në vend, ku edhe kanë takuar në burg Belerin.