Sera me hashash, burg tre shqiptarëve, më pas do të dëbohen nga Anglia

Tre emigrantë shqiptarë në Britaninë e Madhe, të cilët janë kapur dhe dënuar për kultivimin e një sasie kanabisi, do të dëbohen pas vuajtjes së dënimit në Shqipëri. Vullnet Cjali, 27 vjeç, Afrim Hoxha, 45 dhe Ledian Kola, 39 vjeç, u dënuan javën e kaluar me tre vite burg për prodhim droge.

Policia britanike ka konfirmuar se tre shqiptarët do të riatdhesohen në përfundim të dënimit.

Gjykatësi Alan Conrad, tha se askush nuk i ka detyruar ata të vijnë në Britaninë e Madhe dhe askush nuk i ka detyruar të punojnë si kopshtar për prodhimin e kanabisit.

Por, sipas tij zgjedhja është bërë për çështje ekonomike.

Por, prokurori që ka hetuar këtë çështje Neville Biddle thotë se “dikush më i madh” ka ndërtuar fabrikën e kanabisit dhe ka punësuar emigrantë që kanë nevojë për para.

Ai tha se të tre shqiptarët nuk ishin takuar para se të vinin në Britaninë e Madhe dhe të gjithë kanë ardhur nga Franca me kamionë. Më parë ata kanë punuar në lavash, ndërsa askush nuk ka pasur precedentë kriminalë, në të shkuarën.