Sërish kontrolle dë dyfishta në kufirin me Kosovën

“Si rekomandim nga Komisioni Evropian, në procesin e dialogut të liberalizimit të vizave mes Kosovës dhe KE, që nga data 10 nëntor 2015, në pikën kufitare të Vërmicës do të aplikohet kontrolli në dalje”.

Ky njoftim jepet nga Policia e Kosovës, lidhur me rikthimin e kontrolleve të dyfishta në kufi me Shqipërinë.

Ministri i Integrimit, Bekim Çollaku kishte paralajmëruar javën e kaluar gjatë raportimit në komisionin e posaçëm parlamentar, se Komisioni Evropian kishte kërkuar rikthimin e dy ndalesave kufitare, me qëllim parandalimin e krimit ndërkufitar. Sipas ministrit Çollaku, kërkesa në fjalë lidhet me procesin e liberalizimit të vizave.

Pas aplikimit sezonal në stinën e verës, kontrolli në të dy pikat kufitare ishte hequr përfundimisht në korrik të 2011-s, në bazë të marrëveshjes dypalëshe “Një ndalesë, një kontroll”.