Sezoni, fluks emigrantësh që kthehen për pushimet

Vijon fluksi i emigrantëve që kthehen në Atdhe për të kaluar pushimet e verës në këtë sezon turistik. Vetëm në 10-ditëshin e parë të muajit gusht, në pikën e kalimit kufitar të portit të Vlorës kanë hyrë 9000 persona. Shifër kjo më e lartë krahasuar me të njëjtën periudhë të një viti më parë.

Sipas autoriteteve portuale të portit të Vlorës, në 10 ditët e para të muajit kanë hyrë 600 persona më shumë se një vit më parë.

Pavarësisht gatishmërisë së palës shqiptare, ata janë përballur me radhë të gjata e orë pritje në nisje nga porti i Brindizit. Edhe pse me terminal të ri, porti i Vlorës ka vetëm një agjenci në itinerarin Vlorë- Brindizi, për të cilin pasagjerët thonë se kushtet nuk janë të mira.