Sezoni turistik, Agjencia e Mjedisit monitoron 12 plazhet e vendit

Ndërkohë që sezoni turistik sapo ka filluar, Agjencia Kombëtare e Mjedisit ka filluar monitorimin e ujërave bregdetare gjatë gjithë periudhës se verës.

Në monitorim janë 12 plazhet e vendit.

Sipas Ministrit të Mjedisit, Lefter Koka ky monitorim ka nisur në 12 maj dhe do të përfundojë më 30 shtator, atëherë edhe kur plazhet boshatisen nga pushuesit.

Ministri i Mjedisit Lefter Koka ka deklaruar se ashtu si në vitin 2014 janë 78 pika të monitorimit. Koka tha se pjesë e monitorimit nga Agjencia janë edhe 6 Basenet ne Shqipëri. Koka u shpreh se Liqeni i Ohrit, Prespa dhe Liqeni i Shkodrës janë në gjendje të mirë.

Ato që janë problematike sipas Kokës janë lumenjtë e vendit, ku ministria do të marrë masa. Po ashtu ai kërkoi që kryetarët e bashkive të marrin masa për përmirësimin e zonave.