Shahini falënderon mësuesit për angazhimin: Ju mirëpres të hënën!

Me anë të një videomesazhi nga Durrësi, Ministrja e Arsimit, Sportit dhe Rinisë, Besa Shahini ka shprehur një falenderim të sinqertë për të gjithë mësuesit e angazhuar gjatë kësaj jave në lidhje me përgatitjen e shkollave për të pritur nxënësit në Lezhë, Durrës dhe Tiranë.

“Sot jemi në Durrës duke u munduar të zhvendosim edhe nxënësit nga shkolla që nuk do të hapen, tek shkollat pritëse”, thekson Ministrja Shahini ndërsa shprehet gjithashtu:

“Unë besoj fuqishëm që me gjithë kontributin tuaj, me punën që kanë bërë drejtorët e shkollave dhe me përpjekjet tona, ne do të jemi plotësisht gati që me 9 dhjetor t’i kthehemi sado pak normalitetit dhe të mirëpresim nxënësit në bankat shkollore. Faleminderit edhe një herë, dhe ju mirëpres të hënën”.