Shano: Fatkeqësitë ndodhën jo për shkak të tërmetit, por për shkak të “tërmutëve”

Ekonomisti Dritan Shano thotë se pasojat e tërmetit u shkaktuan nga dora e njerit. Në emsionin “Tempora”, Shano thotë se faji fillon nga projektuesit, deri tek kryetari i bashkisë.

Shano: Patëm një katastrofë që më kot tenton ti përvishet tërmetit. Tërmeti krijoi lëkundjen, fatkeqësitë ndodhën jo për shkak të tërmetit, por për shkak të “tërmutëve”. Duke filluar që nga babëzia që vihet re tek projektuesi, pronari, ndërtuesi, tek konstruktori që i përulet interesave të biznesit deri tek kryetarët e bashkive që firmosin që unë të hyj në atë banesë. Unë mendoj që në tërësi shumica e ndërtimeve të pas viteve 90, pavarësisht të një projekti prej mafie, shumica i kanë qëndruar tërmetit. Ato që janë shkërmoqur janë këto që kanë të bëjnë me veprën e njeriut.