Shaqiri asiston, Ajeti shënon gol në fitoren e Baselit

Xherdan Shaqiri dhe Albian Ajeti kanë dhënë kontribut të madh në fitoren e Baselit të shtunën ndaj Winterthurit me rezultatin e thellë 5:0.

Ndeshja i takoi javës së 13-të të kampionatit zviceran.

Shaqiri dhuroi një asistim ndërsa Ajeti e shënoi një gol në fitoren e Baselit.

Shaqiri asistoi te goli i tretë që e shënoi Kevin në minutën e 39-të. Ndërsa Ajeti e realizoi golin e fundit për Baselin në minutën e 81-të.

Shaqiri luajti për 72 minuta kurse Ajeti në lojë u inkuadrua në minutën e 61-të.

Në minutën e 61-të, Leon Avdullahu u zëvendësua me Taulant Xhakën.

Benjamin Kololli ishte në bankën rezervë te Baseli.

Te Winterthuri, Granit Lekaj e kompletoi ndeshjen, kurse Labinot Bajrami u paraqit nga minuta e 66-të.

Baseli ka 22 pikë. Winterthuri ka tetë pikë.