SHBA: Arrestimi Prengës dhe dorëheqja e Nokës, përparim i mirëfilltë për Shqipërinë

Ambasada amerikane në Tiranë ka reaguar pas arrestimit të deputetit Armando Prenga dhe lënies së mandatit nga ana e Arben Ndokës.

Ambasada thotë në reagimin e vet se përshëndet këto dy vendime.

“Ambasada e Shteteve të Bashkuara mirëpret vendimin e deputetit Arben Ndoka për t’u dorëhequr nga parlamenti dhe vendimin për të lejuar arrestimin e deputetit Armando Prenga.

Këto vendime përfaqësojnë përparim të mirëfilltë për Shqipërinë drejt krijimit të një sistemi politik me drejtues të standardeve më të larta etike”, thuhet në njoftimin e ambasadës.