Shehaj thirrje demokratëve: Mos rrini, dilni votoni të dielën

Këtë të dielë demokratët kanë edhe një sfidë, të zgjedhin me votë të lirë kryetarin e ri të PD-së. Në garë janë 4 kandidatë, në mesin e tyre edhe Agron Shehaj, që rezultoi deputeti më i votuar në qarkun e Tiranës për zgjedhjet e 25 prillit.

Shehaj i bën thirrje demokratëve që të votojnë për ndryshimin. Pëpërmjet një statusi në facebook, ai shprehet se Partia Demokratike duhet të kthehet në ditët e saj të mëdha, në ditët kur ishte partia që fitonte.

“Të dashur demokratë. Secili nga ju, nëse keni kartë anëtarësie apo jeni në listën e votuesve të partisë, ka të drejtë të votojë ditën e dielë. Askush, asnjë komisioner dhe asnjë komision, nuk ka pushtetin t’iu heqë të drejtën e votës ditën e dielë, sepse këtë të drejtë ua jep Statuti i partisë. Koha kur mund t’iu quanin armik, t’iu përjashtonin apo t’iu hiqnin votën për mendimet tuaja ndaj udhëheqësit e partisë, vdiq ditën që lindi Partia Demokratike. Mos rrini, dilni në votim. Votoni ndryshimin, që ta kthejmë Partinë Demokratike në ditët e saj të mëdha, në ditët kur ajo ishte”, shkruan Shehaj.