Shembet masivi i dheut në fabrikën e pasurimit të kromit në Burrel, zë poshtë punonjësin

Një ngjarje e rëndë ka ndodhur sot në fabrikën e pasurimit të kromit në qafën e Burrelit

Policia bën me dije se rreth orës 14:00 në fabrikën e pasurimit të kromit, e marrë me qira nga një shoqëri kineze, shtetasi A.B., teksa po punonte me një automjet fadromë për gërryerjen e një rezervuari, dyshohet se është shembur një masiv dheu dhe, për pasojë, ka zënë poshtë punëtorin bashkë me mjetin e punës.

Shërbimet e Policisë dhe ato të ekipit të urgjencës po punojnë për gjetjen e shtetasit A.B. Grupi hetimor ndodhet në vendngjarje dhe po punon për zbardhjen dhe dokumentimin e rrethanave të kësaj ngjarjeje.