Shembet ndërtesa në Ugandë, humbin jetën 5 persona

Policia dhe ushtria lajmëruan se pesë trupa janë nxjerrë deri më tani nga rrënojat e ndërtesës në ndërtim e sipër në periferinë Kisenyi të Kampala-s.

Së paku pesë persona janë konfirmuar të vdekur dhe shumë prej tyre ende janë të bllokuar nën rrënoja, pasi të dielën një ndërtesë u shemb në kryeqytetin e Ugandës.

Policia dhe ushtria theksuan se pesë trupa janë nxjerrë deri më tani nga rrënojat e ndërtesës në ndërtim e sipër në periferinë Kisenyi të Kampala-s.

Raportohet se ndërtesa u shemb gjatë reshjeve të mëdha të shiut. Dëshmitari okular, Stephen Kato, tha se shumë njerëz mbetën nën rrënoja, përfshirë shitësit e ushqimit, operatorët e transportit të motoçikletave dhe kalimtarët e rastit.

“Pesë trupa janë gjetur deri më tani. Policia dhe ushtria janë ende duke punuar shumë për të shpëtuar ata që janë ende gjallë dhe për të nxjerrë më shumë trupa”, tha kryebashkiaku qendror i Kampala-s, Salim Uhuru.

Uhuru tha se në Ugandë po bëhet e zakonshme që ndërtesat në ndërtim e sipër të shemben dhe të vrasin njerëz, gjë që duhet të hetohet.