Sherr me thika në Durrës, plagoset një person

Një sherr me thika ka ndodhur mes dy personave mesditën e sotme në lagjen numër 15 në Durrës, ku një person ka mbetur i plagosur.

I plagosuri ndodhet në spital, nën kujdesin e mjekëve, jashtë rrezikut për jetën.

Gurpi hetimor ka nisur punën për zbardhjen e ngjarjes.

Durrës/Informacion paraprak

Rreth orës 12:00, në lagjen nr.15 Durrës, shtetasi F. H., gjatë një konflikti për motive të dobëta, ka goditur me mjet prerës (thikë), kunatin e tij, shtetasin S. T., i cili ndodhet nën kujdesin e mjekëve.

Vijon puna për kapjen e shtetasit F. H.

Grupi hetimor po punon për zbardhjen e rrethanave të ngjarjes.