Sherr në shtëpi, adoleshenti plagos me thikë të vëllanë

Një adoleshent është vënë në prangat e policisë pasi ka plagosur me thikë vëllanë e tij.

Ngjarja ka ndodhur në fshatin, Luz në Fushë-Krujë.

Burime zyrtare nga policia kanë bërë të ditur se në pranga është vënë 16-vjeçari me inicialet O. O., pasi ka qëlluar me thikë, vëllain e tij 6 vjet më të madh.

Njoftimi i Policisë së Krujës:

Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O. O.,16 vjeç, banues në Luz, Fushë-Krujë.

Ky shtetas pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A. O.,22 vjeç.

Në cilësinë e provës materiale u sekuestrua mjeti prerës (thikë).