Shiste drogë në tabakino, arrestohet 43-vjeçari në Lushnje

Policia e Lushnjes ka arrestuar një 43-vjeçar pasi u kap me doza kokaine me vete, të cilat sipas uniformave blu më pas do ti shiste ne tabakinon e tij. I arrestuari është identifikuar si Erion Ferati.

“Si rezultat i administrimit të shpejtë të informacioneve të siguruara për një shtetas që shiste doza Kokaine, në tabakinon në pronësi të tij, në lagjen “Skënder Libohova”, specialistët për Hetimin e Narkotikëve vunë në pranga të dyshuarin, shtetasin E. F., 43 vjeç, banues në Lushnjë.

Në momentin e kapjes iu gjet një sasi lënde e dyshuar narkotike Kokainë, e ndarë në doza të gatshme për shitje në tabakinon e tij.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.”, njofton policia.