Shitja e sekreteve, SPAK urdhëroi kontrolle në Tiranë

Agjentët e SHISH dhe Antiterrorit, kanë kryer kontrolle në banesat e disa personave të dyshuar për shitjen e informacioneve sekrete të vendet jo mike me Shqipërinë.

Kontrollet janë kryer në kuadër të hetimeve të SPAK-ut për dosjen e SHISH-it të referuar në janar 2021, mbi një grup personash që sipas vëzhgimeve e përgjimeve, po mblidhnin informacione për ti dorëzuar tek shtetas të huaj. Janë sekuestruar dokumente, USB dhe kompjutera.

Qëllimi i këtij kontrolli të kryer në muajin tetor 2021 në banesat e personave të selektuar nga SHISH si pjesë e një celule spiunazhi, është bërë për gjetjen e dokumentave të ndryshme me karakter “Sekret Shtetëror”, shënime të ndryshme dhe dokumenta që janë të falsifikuara.