Shkelja e qëndrimit në Shengen, ja gjoba e majme. E pësojnë 10 emigrantë shqiptarë

Siç e tha edhe kryeministri Edi Rama, që nga situata me Covid-19 u pa e udhës që të mbyllen të gjithë kufijtë por ky vendim penalizoi të gjithë ata emigrantë shqiptarë që shkelën lejen e qëndrimit 3 mujor. Qytetarët shqiptarë që nuk janë rezidentë në Greqi, pra shkojnë me 3-mujor, do t’u shtyhet afati me një muaj.

Në udhëzimin që kanë marrë autoritetet greke në Kakavijë, nga qeveria shqiptare u sqarohen se në bazë të arritjes së marrëveshjes mes dy vende, nuk do të gjobitet asnjë shqiptar që i ka mbaruar afati i qëndrimit pas 31 marsit, që përkon me mbylljen e kufijve. Që do të thotë se çdo shqiptar që i ka mbaruar afati para kësaj datë, pra 31 mars, do të gjobitet sipas ligjit me shumën e 1200 eurove.

Nga ana tjetër, sa i përket situatës aktuale në Kakavijë, vetëm 2 emigrantë ndodhen në zonën neutrale, një pjesë janë kthyer në Greqi, e ndërsa 10 të tjerë kanë kaluar kufirin në këmbë për pasojë këta të fundit janë gjobitur.