Shkelje ligjore në 331 dosje, KLSH çon për kallëzim penal dy ish-drejtorë të ALUIZN-it

Kontrolli i Lartë i Shtetit ka audituar Drejtorinë Rajonale të ALUIZNI-t Qarku Dibër për periudhën 1 Janar 2015 deri më 30 Prill 2018.

Nga ky auditim, janë konstatuar shkelje të dispozitave ligjore për te cilat KLSH i ka përcjell ALUIZNIT Dibër gjetjet dhe rekomandimet përfundimtare si dhe ka përcjellë kallëzim penal në Prokurorinë e Rrethit Gjyqësor Dibër për SH.T dhe N.K ish Drejtorë, F.R Hartograf dhe V.GJ juriste të Drejtorisë Rajonale të ALUIZNI-t Qarku Dibër:

Sipas KLSH, drejtoria Rajonale e ALUIZNI-t, Qarku Dibër nuk ka ndjekur procedurat ligjore për 331 dosjet e dala nga arkiva të kualifikuara, duke shkelur afatet ligjore për shqyrtimin administrativ për legalizim, dhe duke krijuar ndikime negative tek qytetarët.