Shkrumbohet plotësisht makina në aksin Elbasan-Tiranë

Një makinë është shkrumbuar plotësisht pasditen e sotme në aksin Elbasan-Tiranë. Policia bën me dije se makina tip “Benz” me drejtues shtetasin me inicialet Xh.Sh., ka marrë flakë në ecje e sipër, por fatmirësisht nuk ka të lënduar.

Sipas dyshimeve paraprake, mendohet se makina ka shpërthyer në flakë si pasojë e një defekti teknik. Sakaq, grupi hetimor po punon për dokumentimin e plotë të rrethanave të ngjarjes.

Njoftimi i plotë:

Rreth orës 19:40, në aksin rrugor Elbasan-Tiranë, ka marrë flakë në ecje e sipër automjeti tip “Benz” me drejtues shtetasin Xh.Sh.,

Si pasojë mjeti është djegur plotësisht. Nuk ka dëme në njerëz.

Nga hetimet paraprake dyshohet se zjarri ka rënë si pasojë e një defekti teknik në mjet.

Grupi hetimor po punon për dokumentimine plotë të rrethanave të ngjarjes .