Shkullaku: “Veliaj vegla e Ramës për të sulmuar Kurtin”, Bejtja: “Kurti i kundërti i Ramës”

Mbrëmjen e sotme në emisionin “Zonë e Lirë” janë të ftuar Andi Bejtja, Blendi Fevziu, Arjan Çuri dhe Armand Shkullaku, që kanë folur për aktualitetin politik në vend.

“E sulmojnë sepse nga mesazhet që ka dhënë Kurti është i kundërti i Ramës në gjithë kuptimin e fjalës, i kundërti i PPP-ve, i njerëzve afër oligarkëve”, tha Andi Bejtja.

“Nuk shoh që Rama ta ketë sulmuar Albin Kurtin së fundmi. Rama dhe Kurti pas takimit më rezulton se i kanë marrëdhëniet më të relaksuara”, tha Fevziu.

“Para fitores së Kurtit, Rama mendonte të vazhdonte me faktorët që kishte në Kosovë dhe Beograd, Thaçi-Vuçiç-Rama. Tani që Albini fitoi zgjedhjet, Rama nuk mund të dali hapur dhe ta kundërshtojë. Jam dakort me atë që thotë Bejtja. Pa bërë asgjë, ai është diferenca kolosale e Edi Ramës. Veliaj nuk ka ndonjë horizont të madh politik, por intuitën, gatishmërinë për të shërbyer e ka të madhe. Kur e sheh që shefi është në vështirësi, del para. Ishte një shpërthim ndaj dikujt vetëm për t’i bërë qejfin shefin. Ajo që thotë Veliaj është frustrimi i Edi Ramës ndaj Kurtit. Veliaj është vegla e Ramës nëpërmjet të cilit kryeministri nxjerr frustrimin”, ka thënë Shkullaku.

“Në këtë kuptim, ata kanë një farë frike. Rama është duke përpjekur të hapi degën e PS në Kosovë për arsye të një lloj mbrojtje duke e sulmuar. Vetëvendosje u hidhërua shumë kur iku Gent Cakaj sepse mund të rikthehet sërish në Kosovë me një logo të majtë”, ka thënë Çuri.