Shpërblimi për fundvit, të verbrit: Kemi dy vite që nuk e marrim

Gjergj Smakaj po i pret festat e fundvitit pa shumë të ardhura në xhep. 26-vjeçari ka shfaqur problem të aftësisë së kufizuar në organet e shikimit. Pagesa që merr nga shteti është vetëm 123 mijë lekë të vjetra. Vështirësi ka pasur edhe të përshtatet në tregun e punës për shkak të diskriminimit të mundshëm, kryesisht nga punëdhënësit.

Qeveria deklaroi kategoritë të cilat do të përfitojnë shpërblimin e fundvitit, Gjergji thotë se personat e verbër janë përjashtuar nga këto skema. “Ky është viti i dytë që nuk kemi marrë shpërblim, përfituan vetëm pensionistët dhe nga sigurimet shoqërore”, shprehet ai.

Si kur të mos mjaftonte mungesa e një shpërblimi, vonesa paraqiten edhe në dhënien e pagesës mujore për të verbërit. ”Na i vonojnë dhe pagat mujore. Vjet ka qenë i njëjti problem. Fondi kalon në Bashki, bashkia bën shpenzime të tjera dhe dëmtohen personat me aftësi të kufizuara”. Në vendin tonë, janë mbi 13 500 persona të verbër.