I shpërthen lënda plasëse në banesë, ndërron jetë rrugës për në spital 50-vjeçari në Selenicë

Një 50-vjeçar ka humbur jetën si pasojë e shpërthimit të një lënde plasëse në banesën e tij në fshatin Gjormë në Selenicë.

50-vjeçari me iniciale D.G ndërroi jetë rrugës për në spital. Fillimisht u raportua se ai ka humbur jetën nga shpërthimi i bombolës së gazit, por dyshimet janë se mund të ketë ndërruar jetë nga shpërthimi i një lënde plasëse.

Sipas burimeve nga policia dhe grupi hetimor lënda plasëse ka qenë në oborr.

“Salla Operative e DVP Vlorë ka marrë një telefonatë nga një shtetas, se në banesën e shtetasit D.G (komshiu), dyshohet se aksidentalisht ka plasur një bombul gazi dhe është dëmtuar i zoti i banesës shtetasi D. G, rreth 50 vjeç, i cili ka humbur jetën rrugës për në spital. Në vendngjarje po shkojnë grupi hetimor dhe shërbimet e policisë për sqarimin e rrethanave të ngjarjes dhe në përfundim do ketë një informacion të plotë për rastin”, njofton Policia.