Shpërthim tritoli pas mesnate në Lushnje. Policia jep detajet

Një sasi tritoli ka shpërthyer në orët e para të mëngjesit të së shtunës në një banesë në Lushnjë.

Sipas policisë, në lagjen “Gafurr Muço”, rreth orës 02:35, ka shpërthyer një sasi e vogël lënde plasëse në katin e parë të një pallati.

Eksplozivi ishte vendosur në afërsi të derës së jashtme të banesës së shtetasit Besnik Çoku.

Si pasojë e shpërthimit është dëmtuar dera e kësaj banese dhe e banesës përballë saj, në pronësi të shtetasit L. B.

Informacion Paraprak

Sot rreth orës 02:35, në lagjen “Gafurr Muço”, Lushnjë, në katin e parë të një pallati parafabrikatë, ka shpërthyer një sasi e vogël lënde plasëse në afërsi të derës së jashtme të banesës së shtetasit B. Ç.

Si pasojë e shpërthimit është dëmtuar dera e kësaj banese dhe e banesës përballë saj, në pronësi të shtetasit L. B.

Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimin dhe kapjen e autorëve.