Shpresa në Itali vjen nga fëmijët

“Gjithçka do të shkojë mirë”, është mesazhi që kanë vizatuar fëmijët italianë për koronavirus. Atyre iu bënë javë që po qëndrojnë të mbyllur.

Të izoluar, ata po vazhdojnë të marrin mësimet online. E ndërsa situata vazhdon të jetë alarmante në Itali dhe numri i të prekurve vazhdon të rritet, e gjitha kjo nuk është aspak e thjeshtë dhe për ta dhe për prindërit që duhet të kujdesen që të mos infektohen.

Në mbarë Italinë, është krijuar slogani “Çdo gjë do të shkojë mirë” dhe fëmijët italianë kanë vizatuar mbi të, duke i dhënë ngjyra këtyre ditëve gri për ta.