Shqipëri/120 mijë të prekur nga Covid-19, që prej nisjes së pandemisë

Covid-19 vijon që të marrë jetë dhe të prek njerëzit në Shqipëri. Që prej marsit të vitit të kaluar, bazuar në shifrat ditore të publikuara nga Ministria e Shëndetësisë, në Shqipëri janë infektuar 120,022 persona.

Nga këta persona 2122 kanë ndërruar jetë, ndërsa 83,954 persona kanë arritur të fitojnë betejën me virusin e padukshëm. Aktualisht janë 33,946 të infektuar në të gjithë vendin.

Për fat të mirë, gjatë ditëve të fundit, ka pasur një rënie të personave të shtruar në spital. Në raportimin e së premtes, Ministria e Shëndetësisë bën të ditur se aktualisht ndodhen në spitalet Covid 390 persona.