Shqipëri/78% e të prekurve janë shëruar

Ministria e Shëndetësisë dhe Mbrojtjes Sociale, ka informuar se deri më sot janë konfirmuar pozitivë me COVID-19 në të gjithë vendin 876 qytetarë, ku 682 pre tyre janë shëruar, ose rreth 78% e të gjithë të prekurve.

Rovena Daja, eksperte pranë Institutit të Shëndetit Publik ka bërë të ditur se ”në të gjithë vendin aktualisht janë 163 persona aktivë me COVID-19, kryesisht ne Tiranë, Krujë, Shkodër, Kamëz”.

Më pak se 15% e te prekurve aktivë po marrin trajtim në spitalet COVID, pjesa tjetër ndiqet nga mjeku i familjes. Aktualisht në dy spitalet COVID janë të shtruar 24 pacientë dhe vetëm 1 prej tyre është në terapi intensive.

Nga fillimi i epidemisë, deri tani, në vendin tonë janë kryer 11332 testime, nga të cilat, 10802 janë testime molekulare dhe 530 janë testime serologjike.