”Shqipëria 2030”, Rama: Ambicia jonë është rritja e pagës minimale

Gjatë konferencës së përjavshme “Ekonomia në Fokus”, kryeministri Edi Rama tha se aktualisht 91% e bizneseve paguajnë zero tatim-fitimi dhe zero TVSH.

”Vetëm 9% e tyre flas për biznesin e madh paguajnë 15% të tatim-fitimit. Brenda 91% janë 111 mijë biznese, me rreth 300 mijë persona të punësuar që janë çliruar totalisht nga tatim-fitimi. Çdo person dhe çdo subjekt që ka një xhiro vjetore deri në 114 mijë euro është një subjekt pa taksa”, u shpreh kreu i qeverisë.

Nga ana tjetër, Rama përmendi edhe rritjen e pagës minimale në 30 mijë lekë dhe theksoi se qeveria që ai drejton ka ambicien që të rrisë më shumë në vitet e ardhshme.

“Kemi ambicien ta rrisim në vijim vit pas viti. Pjesën se çfarë do të bëjmë, do ta trajtojmë gjerësisht në fazën e fundit të këtij mandati ku do të shpalosim vizionin tonë ”Shqipëria 2030””.