Shqipëria “preferon” mallrat kineze! Instat: Importet nga Kina më të larta nga 2018!

Shqipëria përgjatë katërmujorit të parë të vitit 2019 shënon rritjen më të madhe të importeve  nga Kina. Sipas Instat, krahasuar me po të njëjtën periudhë të një viti më parë, kjo vlerë  është 26.8 % më e lartë.

Pas Kinës, rritjen më të madhe të importeve për këtë katërmujor Shqipëria e ka pasur nga Greqia, me 13.3% dhe nga Turqia, me 6%.

Nga ana tjetër, vendet me të cilat importet kanë pasur uljen më të madhe janë Italia (-6.4 %), Gjermania (-18.9 %) dhe Kosova (-8,3 %).

Në periudhën Janar – Prill 2019, importet nga vendet e Bashkimit Europian zënë 60 % të importeve gjithsej.

Partnerët kryesorë tregtarë të Shqipërisë janë Italia (33.7 %), Greqia (7.2 %), Kina (6.8 %) dhe Gjermania (6.1 %).