Shqipëria pret negociatat, BE: Në shtator diskutimet për kuadrin rregullator

Shqipëria pret tryezën e parë ndërqeveritare por Brukseli i rikthehet bisedimeve teknike mbi kuadrin rregullator të negociatave me Shqipërinë. Zëdhënësja e Komisionerit për Zgjerim, Maja Koçijançiç thotë se si për Tiranën dhe Shkupin, shtatori shënon rikthimin e diskutimeve, për të marrë më pas dakordësinë e vendeve anëtare.

”Diskutimet për kuadrin rregullator të negociatave si për Shqipërinë edhe për Maqedoninë e Veriut në Këshillin Europian kanë nisur para verës dhe do të vazhdojnë në vjeshtë, me qëllim miratimin e tyre nga vendet anëtare”,- tha për ”A2cnn”.

Me qëllim nisjen e bisedimeve për anëtarësim, Shqipërisë i janë vënë një sërë kushtesh si përparimi i reformës në drejtësi, kthimi në funksion i Gjykatës Kushtetuese dhe Gjykatës së Lartë, rezultate të prekshme në luftën ndaj korrupsioni dhe krimit të organizuar, si dhe një reformë zgjedhore konsensuale.