Shqiptarë e afganë përplasen në burgun grek, 10 të plagosur, tre prej tyre në gjendje të rëndë

Përleshje midis disa grupeve të të arrestuarve u regjistruan mëngjesin e sotëm rreth orës 11, në një repart nëntokësor në burgun e Avlona, në Greqi.

Si pasojë e përplasjes raportohet se nëntë deri në dhjetë njerëz u plagosën, tre prej tyre në gjendje të rëndë, të cilët u dërguan në spital.

Siç raportohet nga Agjensia e Lajmeve Athinë-Maqedoni, në përleshje u përfshinë gupe të arrestuarisht shqiptarë, afganë, dhe grekë. Arsyeja e përplasjes nuk është bërë ende e ditur, ndërsa grupet u shpërndanë pas ndërhyrjes së rojeve të burgut.

Në këtë kohë, burgjet janë të qeta dhe të burgosurit që kishin pësuar lëndime të lehta janë rikthyer në qelitë e tyre.