Shqiptarët ende të bllokuar në kufi, kalojnë vetëm 17 emigrantë

Situata e krijuar në vend prej përhapjes së koronavirusit ka lënë jashtë kufijëve shumë shqiptarë.

Në doganën e Kapshticës, prej dy ditësh, 50 emigrantë shqiptarë presin që të futen në tokën shqiptare. Mësohet se ditën e sotme kanë kaluar vetëm 17 qytetarë, të cilët thuhet se ishin të pajisur me letra greke.

Në mesin e emigrantëve ka pasur dhe të sëmurë që janë çuar në spitalin e Bilishtit, ndërkohë që 10 prej tyre janë kthyer sërish në shtetin grek.

Emigrantët janë kaluar nga pala greke, por nuk lejohen që të futen në shtetin shqiptar. Shumë e kanë kaluar natën jashtë, në të ftohtë me temperatura që shkojnë deri në zero gradë.