Shqiptarët trokitën më shpesh në banka, paçka normave të larta të interesit

Bankat dhanë më shumë kredi për qytetarët dhe sipërmarrësit shqiptarë gjatë gushtit.

Të dhënat nga Banka e Shqipërisë tregojnë se pas tkurrjes gjatë korrikut, huatë e reja u zgjeruan në 29.2 miliardë lekë në gusht duke shënuar kështu nivelin më të lartë për këtë vit.

“Kjo ka ardhur kryesisht si pasojë e rritjes së kredive për blerje të pasurive të paluajtshme, ashtu siç edhe Banka e Shqipërisë ka raportuar”, tha eksperti Selim Blliku.

Zgjerimi i kredi-marrjes për qytetarët dhe sipërmarrësit shqiptarë po vjen në një kohë që normat e interesit për lekun kanë prekur nivelet më të larta të viteve të fundit.