Shqiptari Action Bronson grushton personin që hyri në skenë

Gjërat nuk i kanë shkuar mirë një personi që u fut në skenën e festivalit “Lovebox” teksa në të ishte duke kënduar reperi amerikan me prejardhje shqiptare, Action Bronson.

Këngëtari i famshëm e grushtoi dhe e largoi për disa sekonda jashtë skenës.

Gjatë performancës së Arian Asllanit në skenën e BBC 1 në festivalin e Londrës, një fans arriti të kalonte pengesat dhe iu ofrua këngëtarit. Ish-kuzhinieri Bronson nuk u kënaq me prezencën e tij dhe teksa këndonte këngën “Terry”, goditi personin dhe e riktheu me të shtyrë sërish te turma.

Raportohet se pas ngjarjes, këngëtari tha se personi i futur në skenë “ishte shumë me fat, sepse i shpëtoi nokautit”.

Në bazë të një videoje të publikuar që shfaq të gjithë ngjarjen, shihet se fansat e përkrahën aktin e Bronsonit, raporton "The Independent".

Reperi 31-vjeçar, që u rrit në New York, ka prejardhje nga Shqipëria. Ai në Amerikë u bë i famshëm përmes një emisioni për kuzhinë “Action in the Kitchen”. Pasi theu këmbën në kuzhinë në vitin 2011 kishte vendosur të koncentrohej ekskluzivisht në karrierën e tij muzikore, transmeton.

Festivali “Lovebox” mbahet në Londër që prej vitit 2002. Aty deri tani kanë kënduar edhe artistë të famshëm si Snoop Dogg, Rudimental, Hot Chip dhe Cypress Hill.