Shqiptari nuk i shpëton kontrollit grek, kapet me makinën mbushur me drogë

Kapen rreth 61 kg marijuanë në kufirin greko-shqiptar dhe në pranga u vu një shqiptar 24-vjeç.

Sipas policisë fqinje droga u kap në Kostur, ku u ndalua mjeti që drejtohej nga shqiptari, emri i të cilit nuk është bërë i ditur.

Brenda në mjet u gjetën dhe sekuestruan 2 çanta me 36 pako që përmbanin 60 kg 940 gram marijuanë. Bashkë me to u sekuestrua celulari me 1 kartë SIM dhe 95 euro.

Prej fillimit të vitit, policia greke ka sekuestruar rreth 620 kg marijuanë që vinte nga Shqipëria.