Shtohen rastet me koronavirus në Krujë, ja sa kanë rezultuar pozitiv nga 43 tamponë që janë bërë 24 orët e fundit

Kruja vazhdon të mbetet në zonat e nxehta të infektimit me koronavirus. Nga tamponët e marrë nga ISHP vijojnë të shtohen rastet me koronavirus në Krujë. Nga 43 tampone që janë bërë 24 orët e fundit, 3 persona kanë rezultuar të infektuar.

Burime nga ISHP, bëjnë me dije se janë 3 kontakte të personave të infektuar më parë në fasoneritë e qytetit.

Situata në Krujë dhe Fushë Krujë vijon të mbetet problematike me rastet që po shtohen çdo ditë.

Pas Tiranës, Kruja ka numrin më të lartë të të infektuarve në Shqipëri.