Shuhet në moshën 78-vjeçare, ish-deputeti i PD-së në Shkodër

Ka ndërruar jetë në moshën 78-vjeçare, ish-deputeti i Partisë Demokratike, Ahmet Osman Osja. Me prejardhje nga një familje e njohur shkodrane, Osja përfaqësoi demokratët në legjislaturën e viteve 92-96, duke e renditur ndër pesë deputetet më të votuar në Parlamentin e atyre viteve.

Osja ishte një zë i njohur i biologjisë shqiptare, veçanërisht me studimet mbi bimët endemike të trojeve shqiptare si dhe të qëndrueshmërisë delikate të ekosistemit.

Osja ishte edhe themeluesi dhe drejtuesi i parë i medresesë “Haxhi Sheh Shamija”, ku vuri theksin për drejtimin në profilin shkencor të kësaj shkolle.