Si do jetë PD-ja në zgjedhjet e 2025? Andoni: Kanë veç një shpëtim
Aktualitet E Martë, 6 Qershor 2023 21:26
Analisti Ben Andoni teksa flet për situatën në Partinë Demokratike thotë se problemi i tyre është riciklimi i të njëjtave personazhe. ”Kur shikon një individ humbës përballë vetes, çdo alternativë që të jep ai nuk të ngjall frymëzim”.
Më tej, ai bëri edhe një parashikim për zgjedhjet e ardhshme të përgjithshme të vitit 2025. “Në mënyrën sesi po mbahet peng PD-ja, është edhe një lloj ndikimi nga pushteti shumë i madh socialist. PD-ja duhet të ndryshojë emrin e saj dhe të ndryshojë alternativat e së ardhmes. Njerëz të rinj duhet të afrohen dhe të japin frymën e tyre.
Nëse kjo parti nuk bën zgjedhje të forta dhe të sinqerta të brendshme, atëherë ndoshta në zgjedhje e vitit 2025 do të flasim për shifra shumë më të vogla të PD”, tha Andoni.
