“Si guxojnë këta kryebashkiakë…”?! Gazetari: Ose janë të papërgjegjshëm, ose kanë mbrojtje politike

Sipas tij, është e pamundur që Partia Socialiste të mos e ketë ditur të shkuarën e 61 kryebashkiakëve, dhe sidomos të atij të Bulqizës, që është edhe një komunitet i vogël.

“Pushteti lokal ka nevojë për një legjiritim. Kështu nuk mund të vazhdohet më. Po e damkosin rëndë pushtetin lokal në Shqipëri gjithë rastet që po dalin pas 30 qershorit. Ligji i Dekriminalizimit është shumë i ashpër. Jo të gjithë ata që i ndalon ligji, janë kriminelë. Ne kishim një të keqe ekstreme dhe duhej një mjet ekstrem për ta luftuar. Një pjesë e madhe e shoqërisë shqiptare është e “inkriminuar”, ky është fenomen i tranzicionit shqiptar, që po reflektohet dhe në politikë.

Ka përgjegjësi politike këtu, edhe personale. Ka raste, nuk i kam të verifikuara, ku PS i ka ditur veprat e këtyre kandidatëve, por edhe raste kur nuk i ka ditur. E gjykoj të pamundur të mos dish të shkuarën e 61 kryebashkiakëve, sidomos në komunitete të vegjël, si Bulqiza psh.

Si i ka gjetur PD? Fare lehtë, me denoncime njerëzish, nga komuniteti. Këtë gjë mund ta dijë shumë edhe partia që i kandidon. Si e marrin guximin këta që nuk e tregojnë veprën penale, në një kohë që flitet për Dekriminalizimin? Ose ata janë navië dhe të papërgjegjshëm personalisht, ose kanë mbrojtje politike”, tha gazetari.