Si ndiheni pasi morët vaksinën? Rama: Ndihem shumë mirë, asnjë problem

Kryeministri Edi Rama është i ftuar në Open në Top Channel në intervistën e parë mediatike për këtë vit. Sa shanse ka për të fituar mandatin e tretë? Çështje e detit? Vaksina dhe pandemia? Negociator apo lajmës, cili ishte roli i tij në negociatat mes Greqisë dhe Turqisë.

Rama do të jetë përballë gazetares Eni Vasili dhe analistëve: Agron Gjekmarkaj, Robert Rakipllari dhe Shpëtim Nazarko.

Rama fillimisht tregoi se si ndihet pasi mori vaksinën. Ai tha se nuk ka asnjë problem pas vaksinimit dhe nuk e priste një interes kaq të madh.

Si ndjeheni pas vaksinimit?

“Nuk e prisja të gjithë këtë interes. Nuk është gjë e mirë, por jam mirë. Asnjë problem. Fare. Unë vazhdoj të mbaj maskën. E sigurt është se kushdo që mban maskën nuk është më në zinxhirin transmetues”- tha Rama.