Siguria rrugore, orë edukative në shkolla

Siguria rrugore është kthyer në një orë edukative në të gjithë shkollat e qytetit të Durrësit. Punonjësit e Policisë Bashkiake u ndalën kësaj radhe në shkollën “Kushtrimi i Lirisë”, ku gjatë orës së Edukatës Qytetare bashkëbiseduan me nxënësit mbi rëndësinë e njohjes dhe të zbatimit të rregullave të qarkullimit rrugor. ”Fëmijët janë e ardhmja e çdo vendi, ndaj të gjithë ne punojmë pareshtur jo vetëm që ata të rriten më të aftë, por edhe më të sigurt për të përballur sfidat që i presin. Zhvillimi intelektual, fizik dhe social i fëmijëve tanë, nuk mund të mendohet pa mjedise të sigurta të cilat mundësojnë dhe promovojnë përvojat e shëndetshme që zhvillohen në shkollë dhe jashtë saj”.