Silva Bino: Gjysma e popullsisë e vaksinuar kundër covid 19. Shqipëria e treta në rajon për vaksinimin

Gjysma e popullsisë së Shqipërisë është vaksinuar me vaksinat anti-covid. Lajmin e ka bërë të ditur, Silva Bino shefja e Departamentit të Epidemiologjisë pranë ISHP-së.

“Vaksinimi ka sjellë këtë situatë të përmirësuar. Në Shqipëri kanë ardhur mbi 3 mln doza,mbi 87% e tyre janë përdorur. Shqipëria ka një nivel përdorimi të lartë të vaksinave. Pfizer është me e përdorur, Coronavac, pastaj Astrazeneca. Ne kemi një mbulesë mbi 15% me dy doza dhe 50% me një dozë. Grupmoshat 80 vjeç e lartë kemi një mbulesë vaksinale të lartë, që vihet re edhe në grupmoshat 60-60 vjeç. Mbulesë të ulët ka mosha 40-50 vjeç dhe nën 40 vjeç.

Sa i përket punonjësve shëndetësorë, 93% e kanë marrë një dozë të vaksinës, edhe punonjësit e policisë dhe të gardës që kanë një mbulesë 98%. Këto të dhëna raportohen krahas OBSH. Shqipëria është vendi i tretë në rajon në lidhje me mbulesë vaksinale për të gjithë popullatën“, tha Bino.