Sindikata e Policisë kërkon bashkëpunim me Gledis Nanon

Emërimi i Gledis Nanos në krye të Policisë, është pritur më interes edhe nga Sindikata e Punonjësve të Policisë. Sadetin Fishta, shprehet optimist për një bashkëpunim të mirë.

”Është përgatitur marrëveshja, ose kontrata e re kolektive që ka të bëjë me ndryshimet të gjithë legjislacionit policor që është në polici dhe kjo marrëveshje do jetë nesër Kushtetuta e gjithë punonjësve të policisë. Aty do jenë detyrimet e punëdhënësit, detyrimet e punëmarrësit dhe detyrimet e gjithë Sindikatës që ka ndaj institucionit të policisë. Kjo do të forcojë marrëdhëniet institucionale dhe partneritetin me drejtorin e përgjithshëm”,-tha Fishta.

Sipas Fishtës, ndryshimi i kupolës drejtuese është një hap për një polici më të mirë si dhe për mbrojtjen e punonjësve të cilët për 4 vite ishin shtypur në drejtimin e Ardi Veliut, i cili sipas Fishtës nuk ka mbajtur asnjë kontakt me Sindikatën.