Situata me Greqinë, Meta: ‘Me qetësi dhe dashuri’, marrëdhëniet duhet të shtendosen

Kryetari i Lëvizjes Socialiste për Integrim ka deklaruar se marrëdhëniet mes Greqisë dhe Shqipërisë duhet të shtendosen, pasi janë të dyja anëtare të NATO-­s.

Gjatë një deklarate për mediat, Meta është pyetur në lidhje me komentet e ministrit të Jashtëm grek, ndërsa ai nuk harroi pa përmendur dhe thënien e tij, se ‘me shumë qetësi dhe dashuri duhet të kuptojmë se dy vendet janë anëtarë të NATO-s dhe duhet të shtendosemi.

Meta tha gjithashtu se nuk duhet të komentohen deklaratat.

“Kemi marrëdhënie shumë të mira dhe ka ende çështje që duhet të zgjidhen, bazuar në konventat ndërkomëbtare. Një deklaratë aty e këtu, nuk besoj se e lëkundin trendin e bisedimeve për dy vendet”, deklaroi Meta.